تازہ تر ین

بھارت سے جنگ کی صورت میں چین پاکستان کیساتھ کیا سلوک کریگا ؟

اسلام آباد  (خصوصی رپورٹ) چین نے پاکستان کو یقین دلایا ہے کہ وہ بھارت کے ساتھ جنگ کی صورت میں پاکستان کو تنہا نہیں چھوڑے گا۔ وزارت خارجہ کے سینئر عہدیداروں نے بتایا کہ بھارت میں اوڑی حملے اور کنٹرول لائن پر بھارتی فائرنگ کے بعد بیجنگ مسلسل اسلام آباد سے رابطے میں ہے۔ ایک عہدیدار نے بتایا چین دونوں ملکوں کے درمیان امن کو یقینی بنانے کی کوشش کررہا ہے تاہم بھارت نے پاکستان پر جنگ مسلط کی تو وہ پاکستان کے ساتھ کھڑا ہو گا۔ انہوں نے عوامی سطح پر امن کے قیام کے حوالے سے بیان جاری کیا ہے مگر پاکستان کو یہ یقین دہانی بھی کرائی ہے کہ ماضی کی جنگوﺅں کی طرح وہ اب بھی ہماری مدد کریں گے۔ چینی وزارت خارجہ کے ترجمان گینگ شوانگ نے گزشتہ ہفتے کہا تھا پاکستان، بھارت کشیدگی کے حوالے سے چین مختلف چینلز کے ذریعے دونوں ملکوں سے رابطے میں ہے۔ ہمیں امید ہے دونوں ملک باہمی رابطے بڑھائیں گے اور اختلافات سے مناسب انداز میں نمٹتے ہوئے خطے کی سکیورٹی اور امن کے لئے مل کر کام کریں گے۔ وزارت خارجہ کے ایک عہدیدار نے بتایا جنگ کے حوالے سے کوئی بڑ اخطرہ نہیں ہے۔ پاکستان اور بھارت دونوں جانتے ہیں کہ جنگ تباہ کن ہوگی۔ ہم نے ہمیشہ امن کی طرفداری کی ہے۔ ہمیں امید ہے کہ حالات بہتر ہوں گے۔ انہوں نے کہا ہم امریکہ اور برطانیہ کو قائل کرنے کی کوشش کررہے ہیں کہ وہ بھارت کے لئے نرم گوشہ رکھنے کے بجائے کشمیر پر پاکستان کے درست مو¿قف کی حمایت کریں۔ انہوں نے کہا امریکہ، برطانیہ، چین مختلف چینلز کے ذریعے رابطہ کرکے دونوں ملکوں کے درمیان کشیدگی کم کرنے کی کوشش کر رہے ہیں۔ دفاعی تجزیہ کار لیفٹیننٹ جنرل (ر) معین الدین حیدر نے کہا پاکستان نہیں بھارت جنگ کی دھمکیاں دے رہا ہے۔ پاکستان امن کی بات کررہا ہے اور اس ہدف کے حصول کیلئے دنیا کی مدد کا خواہاں ہے۔ عالمی بردری کو چاہئے کہ وہ بھارت کو جنگ کا ہسٹیریا پھیلانے سے روکے۔ عالمی تعلقات کی ماہر ڈاکٹر نور فاطمہ نے کہا بھارت جنگ کا ماحول بناکر دنیا کی کشمیر سے توجہ ہٹانا چاہتا ہے۔ حقیقت یہ ہے کہ بھارت کشمیر میں ریاستی دہشت گردی کر رہا ہے۔
چین‘ یقین دہانی

سب سے زیادہ پڑھی جانے والی مقبول خبریں


دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved