ممبئی(شوبز ڈسک) اداکارہ نرگس فخری جو اداکار اودے چوپڑا کے ساتھ تعلقات کی وجہ سے بہت زیادہ خبروں میں رہ چکی ہیں، یہاں تک کہ ان کی اودے سے جلد شادی کی خبریں بھی آئیں، اپنے ایک انٹرویو میں انہوں نے اس حوالے سے گفتگو کرتے ہوئے کہا کہ میں ابھی سنگل اور غیر شادی شدہ ہوں، اسی میں خوش ہوں اور پوری طرح سے اپنے کام میں مصروف ہوں۔مستقبل قریب میں بھی شادی کرنے کا کوئی ارادہ نہیں ہے۔ ویسے بھی آج کل بالی وڈ میں زیادہ تر شادیاں ٹوٹ رہی ہیں۔ میری نظر میں شادی صرف ایک لیبل ہے اور کچھ نہیں ۔میں آزاد ہوں اور پڑھی لکھی ہوں، میں خود کما سکتی ہوں، خود ماں کا خیال رکھ سکتی ہوں اور جب تک میں سنگل ہوں، بغیر کسی کی اجازت کے میں کچھ بھی کر سکتی ہوں۔سنگل رہنے کا یہ ایک اچھا پہلو ہے۔
