تازہ تر ین

ایک اور قاتل …. معصوم عبداللہ بھی جان سے گیا

لاہور (خصوصی رپورٹ) بند روڈ کے علاقے سے 4 روز قبل لاپتہ ہونے والے محنت کش کے 2سالہ بیٹے کی گزشتہ روز کھلے مین ہول سے نعش مل گئی ہے۔ شبہ ہے کہ بچہ عبدالرحمن گلی میں کھیلتے ہوئے کھلے مین ہول میں گر نے سے ہلاک ہو گیا۔ سانحہ پر ورثا اور اہل علاقہ نے ضلعی انتظامیہ اور واسا کے خلاف شدید احتجاج کیا۔ بتایا جاتا ہے شاہدرہ کا رہائشی عدنان بشیر مقامی مل میں کام کرتا ہے۔ 4 روز قبل وہ اپنے 2سالہ بیٹے کے ہمراہ بند روڈ کے علاقے یاسین شریف روڈ پر واقع اپنے سالے کے گھر آیا۔ جہاں اس کا بیٹا عبدالرحمن گھر کے باہر گلی میں کھیلتے ہوئے لاپتہ ہو گیا۔ تلاش کے باوجود کچھ پتہ نہ چلنے پر بچے کے والد نے تھانہ لوئر مال میں بیٹے کے اغوا کا مقدمہ درج کرادیا، گزشتہ روز ایک محلے دار نے کھلے مین ہول میں بچے کی نعش تیرتی دیکھ کر لواحقین کو اطلا ع کی۔ پولیس اور امدادی ٹیموں نے گٹر سے بچے کی نعش باہر نکال کر ضروری کارروائی کے بعد ورثا کے حوالے کر دی۔ نعش گھر پہنچتے ہی کہرام مچ گیا۔ ماں صدمے بیہوش ہو گئی۔ اس واقعہ پر ورثا اور اہل علاقہ نے ضلعی انتظامیہ اور واسا کے خلاف شدید احتجاج کیا اور نعرے بازی کی۔ یاد رہے کہ چند روز قبل شاہدرہ کے علاقے میں سیوریج کے مین ہول کا ڈھکن نہ ہونے کے باعث اس میں 4سالہ بچہ الماس بھی گر کر جاں بحق ہوا تھا۔ دریں اثنا ڈی سی او لاہور کیپٹن (ر) محمد عثمان نے مین ہول میں بچے کے گر کر جا ں بحق ہونے کا نوٹس لیتے ہوئے ایڈمنسٹریٹر داتا گنج بخش ٹاﺅن کو انکوائری آفیسر مقرر کر کے 24گھنٹے میں تحقیقاتی رپورٹ پیش کرنے کا حکم دیا۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain