لاہور (ویب ڈیسک) لاہورمیں ڈینگی بخار سے متاثرہ مریضوں کا سلسلہ رک نہ سکا،محکمہ صحت کا کہنا ہے کہ ایک ہفتے میں 141 ڈینگی کے مریض رپورٹ ہوئے۔محکمہ صحت کے مطابق لاہور میں رواں سال 860 افراد ڈینگی سے متاثر ہوچکے ہیں،رواں سال کنٹونمنٹ ایریا میں سب سے زیادہ شہری مرض کاشکارہوئے۔محکمہ صحت کا کہنا ہے کہ کنٹونمنٹ میں 262 افراد میں اس ڈینگی کی تشخیص ہوئی،اقبال ٹاﺅن میں 107 اورسمن آباد ٹاﺅن میں 113افرادمرض میں مبتلا ہوئے ،محکمہ صحت پنجاب کی جانب سے ڈینگی وائرس پر قابو پانے کی کوششیں بھی جاری ہیں۔مشیر صحت سلمان رفیق کا کہنا ہے کہ ڈیفنس ہاﺅسنگ اتھارٹی،گلبرگ ٹاﺅن اور سمن آباد ٹاﺅن سے ڈینگی کے مریض رپورٹ ہو رہے ہیں۔سلمان رفیق نے بتایا کہ بعض علاقوں سے ڈینگی سرویلنس ٹیموں کے ساتھ عوام اور گھروں میں سرویلنس کرنے کی اجازت نہیں دی جاتی۔
