تازہ تر ین

موبائل فون نے قاتل گرفتار کرا دئیے

لاہور (خصوصی رپورٹ) مغلپورہ پولیس نے ایک ماہ قبل قتل ہونے والے طارق کا معاملہ حل کر لیا۔ ایک خاتون سمیت 3افراد گرفتارکر لئے۔ ایک ماہ قبل مغلپورہ کا رہائشی مقتول طارق جو کہ موٹرسائیکلوں کی خریدوفروخت کا کاروبار کرتا تھا اچانک لاپتہ ہو گیا تھا جس پر اس کے اہل خانہ نے اغوا کا مقدمہ مغلپورہ تھانہ میں درج کروایا تھا۔ مقدمہ کے کچھ ہی دنوں کے بعد کینال نہر طارق کی تشددزدہ نعش برآمد ہوئی تھی۔ پولیس نے تفتیش کا دائرہ کار بڑھاتے ہوئے ٹیلیفونک ریکارڈ سے لوکیشن کی تعین کرتے ہوئے کارروائی کا آغاز کیا جس پر ٹریس ہونے والے ملزمان محمدعظیم‘ فاروق اور نسیم بی بی کو گرفتار کر لیا اور تفتیش کرنے پر معلوم ہوا کہ موٹرسائیکل کی فائل نہ دینے کی رنجش میں مقتول طارق کا قتل کیا گیا اور دھوکے سے اس کو اپنے گھر بلوا کر سر میں اینٹ مارنے کے بعد گلا دبا کر قتل کیا اور اس کی گاڑی پر ہی لے جا کر مغلپورہ نہر میں پھینک دیا اور اس کی گاڑی جو کہ اس کے مالک کی تھی کو پشاور میں لے جا کر ملزمان نے فروخت کر دیا۔ پولیس نے تمام ملزمان کو گرفتار کرتے ہوئے اندھے قتل کا معاملہ حل کر لیا ہے۔
قتل‘ معمہ حل


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain