نئی دہلی (ویب ڈیسک) کانگریس پارٹی کے نائب صدر راہول گاندھی نے مودی حکومت کری تنقید کرتے ہوئے کہا ہے کہ مودی اپنے اقدامات سے 15لوگوں کی تجوریاں بھریں گے اور قرضے معاف کرینگے۔ مودی کی کوئی منصوبہ بندی نہیں ۔نجی ٹی وی سے گفتگو کرتے ہوئے راہول گاندھی نے کہا ہے کہ مودی کو پارلیمنٹ آنے کی کیا ضرورت ہے وہ اپنے وزراءسے تو کچھ پوچھتے نہیں۔ 500اور1000روپے کے نوٹوں کی منسوخی سے امیروں کو فائدہ ہو گا اور غریبوں کو نقصان ہو گا۔ مودی کے اقدام سے غریب لوگوں کی لمبی قطاریں لگی ہوتی ہیں۔ مودی کسی کی بات نہیں مانتے جو ان کے دل میں آتا ہے وہی کرتے ہیں۔ انہوں نے مزید کہا کہ مودی اپنے اقدامات سے15لوگوں کی تجوریاں بھریں گے اور قرضے معاف کرینگے۔ وزیراعظم نریندر مودی کی کوئی منصوبہ بندی نہیں۔
