لاہور(اے این این) قومی ویمن کرکٹ ٹیم کی سلیکشن کمیٹی میں تبدیلی، باسط علی کی جگہ سابق ٹیسٹ کرکٹر محمد الیاس کو چیف سلیکٹر بنا دیا گیا۔ ورلڈ کپ کوالیفائنگ راﺅنڈ کیلئے کبیر خان ویمن ٹیم کے ہیڈ کوچ مقرر کر دیا گیا۔ بیٹنگ کوچ کے فرائض سابق انٹرنیشنل کرکٹرشاہد انور سرانجام دیں گے۔ چیئرمین پی سی بی نے نئی ویمن ٹیم انتظامیہ اور سلیکشن کمیٹی کی منظوری دے دی۔ شہریار خان کو ویمن ٹیم کی ناقص کارکردگی پر تحفظات تھے۔ پاکستان ٹیم آئندہ ماہ 7 سے 21 فروری تک سری لنکا میں ویمن ورلڈ کپ کوالیفائنگ راﺅنڈ کھیلے گی۔