لاہور(کلچرل رپورٹر)اداکارہ ارمینا خان کی چھٹیوں سے واپسی کے بعد ڈرامہ سیریل”رسم دنیا“کی ریکارڈنگ دوبارہ شروع کردی گئی ہے ۔پروڈ ویوسر نویدبھٹی اور ڈائریکٹررومی انشاءکے اس سیریل کی ریکارڈنگ ایک ماہ پہلے لاہورمیں شروع کی گئی جس میں جاویدشیخ،ثمینہ پیرزادہ اوردیگر فنکاروں نے حصہ لیا تھا لیکن ابتدائی سپیل کے بعد ریکارڈنگ چنددنوں کے لئے روک دی گئی تھی اور اسی دوران ارمینا خان پنجاب کے مختلف شہروں کی سیر کے لئے چلی گئی تھیں جو گزشتہ روزلاہور پہنچیں جس کے بعددوبارہ کام کا آغازکردیا گیا ہے ۔اس بارے میں ارمینا رانا نے ”خبریں“ کوبتایا کہ مجھے سیاحت کا بے حد شوق ہے اورا سی لئے میں پنجا ب کے چند تاریخی علاقوں میں گئی۔ میں نے ہڑپہ کا تاریخی شہر بھی دیکھا۔ایک سوال کے جواب میں انہوں نے بتایا کہ میں سال کا بیشتر حصہ سیرسیاحت میں گزارتی ہوں اور آسڑیلیا کے علاوہ تمام ممالک کی سیر کرچکی ہوں۔ ارمینا نے مزیدبتایا ہے کہ میں نے حال ہی میں ایک پاکستانی فلم سائن کی ہے جبکہ میں ذاتی فلم پر بھی کام کررہی ہوں۔
