تازہ تر ین

پاکستان کے پاس براہ راست ورلڈکپ کھیلنے کاموقع

دبئی (اے پی پی) پاکستانی ٹیم کو 2019ءمیں شیڈول آئی سی سی کرکٹ ورلڈکپ تک براہ راست رسائی اور آسٹریلیا کو ٹاپ پوزیشن کے دفاع کا چیلنج درپیش ہے، گرین شرٹس کے پاس کینگروز کو ون ڈے سیریز میں ہرا کر ایک درجہ ترقی پا کر ساتواں نمبر حاصل کرنے کا موقع ہے، شکست کی صورت میں اس کی ورلڈکپ تک براہ راست رسائی مزید خطرے میں پڑ جائے گی۔ کینگروز کے خلاف ون ڈے سیریز میں فتح سے پاکستانی ٹیم ایک درجہ چھلانگ لگا کر ساتویں نمبر پر آ سکتی ہے، آٹھویں پوزیشن برقرار رکھنے کیلئے گرین شرٹس کو کم از کم ایک میچ جیتنا ہو گا۔آئی سی سی کی موجودہ ون ڈے ٹیم رینکنگ میں عالمی چیمپئن آسٹریلوی ٹیم 120 ریٹنگ پوائنٹس کے ساتھ سرفہرست ہے، جنوبی افریقہ دوسرے، بھارت تیسرے، نیوزی لینڈ چوتھے، انگلینڈ پانچویں، سری لنکا چھٹے، بنگلہ دیش ساتویں اور پاکستان آٹھویں نمبر پر موجود ہے۔ رواں برس 30 ستمبر تک رینکنگ میں ٹاپ آٹھ پوزیشنز پر موجود ٹیمیں براہ راست 2019ءورلڈکپ میں جگہ بنا لیں گی جبکہ بقیہ ٹیموں کو کوالیفکیشن مرحلہ عبور کرنا ہو گا۔ پاکستان کیلئے آسٹریلیا کے خلاف سیریز انتہائی اہمیت کی حامل ہے، دوسری جانب آسٹریلیا کو ٹاپ پوزیشن برقرار رکھنے کیلئے گرین شرٹس کو سیریز میں شکست دینا ہو گی، اگر پاکستان 4-1 سے فتح یاب رہا تو کینگروز ٹیم پہلی پوزیشن سے محروم ہو جائے گی۔ انگلش ٹیم کے پاس بھارت کو سیریز میں وائٹ واش کر کے ایک درجہ ترقی پانے کا موقع ہے۔

سب سے زیادہ پڑھی جانے والی مقبول خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved