نئی دہلی (ویب ڈسیک)مودی سرکار اپنی حکومت کی ناکامیاں چھپانے کے لیے اوچھے ہتھکنڈوں پر اتر آئی،بھارتی سرکار نے ملک میں بڑھتے ٹرین حادثوں کی ذمہ داری پاکستان پر ڈال دی۔میڈیا رپورٹس کے مطابق مودی سرکار اپنی ناقص کارکردگی کا ذمہ دار پاکستان کو ٹھہرانے لگی۔آئے دن ٹرین حادثوں میں شہریوں کی ہلاکت پر ذمہ داروں کا تعین کرنے کے بجائے روایتی ہتھکنڈا اپنایا اور اپنے شہریوں کو بے وقوف بناتے ہوئے ٹرین حادثوں کی ذمہ داری پاکستان پر ڈال دی۔بھارتی میڈیا بھی مودی سرکار کے ساتھ ساتھ غلط رپورٹنگ سے شہریوں کے زخموں پر نمک چھڑکنے میں مصروف ہے۔ بھارتی میڈیا نے اب یہ ہرزہ سرائی کی ہے کہ پاکستان نے بھارت میں ٹرین حادثے کروا کر دہشت گردی کا نیا طریقہ اپنا لیا ہے۔گزشتہ دنوں بھارتی ریاست آندھرا پردیش ٹرین حادثے میں 40افراد ہلاک ہوئے جبکہ نومبر میں ہونے والے ایسے ہی حادثے میں 140 افراد جان سے ہاتھ دھو بیٹھے تھے۔واضح رہے کہ بھارتی تحقیقاتی اداروں نے چند افراد کو گرفتار کرکے انکو پاکستانی ایجنڈ ظاہر کرتے ہوئے کانپور ٹرین حادثے کا ذمہ دار بھی ٹھہرایا تھا۔
