تازہ تر ین

پاکستانی ویمنزکی لنکاکو3وکٹوں سے مات.

کولمبو (اے پی پی) آئی سی سی ویمنز ورلڈ کپ کوالیفائر میں پاکستان نے وارم اپ میچ میں سری لنکا کو 3 وکٹوں سے ہرا دیا، گرین شرٹس نے 202 رنز کا ہدف 7 وکٹوں کے نقصان پر حاصل کر لیا، عائشہ ظفر نے 55 رنز کی عمدہ اننگز کھیلی۔ گزشتہ روز کولمبو میں کھیلے گئے وارم اپ میچ میں سری لنکا کی ٹیم پہلے بیٹنگ کرتے ہوئے 49.4 اوورز میں 201 رنز بناکر آﺅٹ ہوگئی، ڈیلانی سرنگیکا 52 ، ایشانی کوشیلا 36 اور سرپلی ویراکوڈی 35 رنز کے ساتھ نمایاں رہیں۔ ماہم طارق نے تین کھلاڑیوں کو آﺅٹ کیا۔ جواب میں پاکستان ویمن نے ہدف 48.2 اوورز میں 7 وکٹوں کے نقصان پر حاصل کر لیا، عائشہ ظفر نے 55 رنز کی عمدہ اننگز کھیلی، نین عابدی اور جویریہ خان نے 31، 31 جبکہ بسما معروف نے 28 رنز بنائے۔ واضح رہے کہ پاکستانی ٹیم ٹورنامنٹ میں اپنا پہلا میچ (کل) منگل کو جنوبی افریقہ کے خلاف کھیلے گی۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved