تازہ تر ین

لاہوردھماکے نے گرانٹ ایلیٹ کو بھی ہلاکررکھ دیا

لاہور(نیوزایجنسیاں)پاکستان سپر لیگ (پی ایس ایل) کی ٹیم لاہور قلندرز کے کیوی کھلاڑی گرانٹ ایلیٹ نے لاہور میں گزشتہ روز ہونے والے دھماکے پر پاکستانی مداحوں اور لوگوں سے اظہار ہمدردی پر مبنی ویڈیو پیغام جاری کردیا ہے۔گرانٹ ایلیٹ کا ویڈیو پیغام میں کہنا ہے کہ حملے میں اپنے پیاروں سے محروم ہونے والے افراد کے ساتھ ان کی ہمدردیاں ہیں جبکہ انھوں نے بہتری کی امید ظاہر کی۔ان کا کہنا تھا کہ ‘دھماکے کے بعد لاہور میں موجود تمام لوگوں کو پیغام دینا چاہتا ہوں اور امید ہے کہ لاہور کے عوام اور دیگر لوگ محفوظ ہوں گے اور سب کچھ ٹھیک ہوجائے گا’۔یاد رہے کہ لاہور میں پنجاب اسمبلی کے سامنے گزشتہ روز اس وقت دھماکا ہوا تھا جب سینیئر پولیس افسران احتجاجی دھرنے میں بیٹھے کیمسٹ سے مذاکرات میں مصروف تھے۔دھماکے کے نتجے میں ڈی آئی جی ٹریفک اور ایس ایس پی سمیت 13 افراد جاں بحق ہوئے تھے اور 87 افراد زخمی ہوئے تھے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain