سری نگر(خصوصی رپورٹ) مقبوضہ کشمیر میں قابض بھارتی فوج نے طلم و ستم کی انتہا کر دی۔ سری نگر میں 11 سالہ بچے اور اس کے دوست کو بھی بھارتی فوجیوں نے سزادینے میں کوئی عار محسوس نہیں کی۔ میر میران شہر میں عام ہڑتال اور بھارت مخالف مظاہروں کے دوران اپنے دوست کے ساتھ چہل قدمی کر رہا تھا۔ کہ بھارتی فوجیوں نے انہیں روک لیا اور کہا کہ وہ اس طرح باہر کیوں گھوم رہے ہیں اور اس کے بعد انہیں کان پکڑ کر اٹھک بیٹھک کرنے پر مجبور کیا گیا۔میر میران نے غیر ملکی میڈیا کے نمائندوں کو بتایا کہ جب ہم کان پکڑ کر اٹھک بیٹھک کر رہے تھے تو اس وقت بھارتی فوجیوں نے ہمیں دیکھ کر قہقے لگا رہے تھے۔ میران کا دوست تو اٹھک بیٹھک کر کے ہی بھاگ گیا مگر میر میران مارے خوف کے انتظار کرتا رہا کہ جب فوجی اسے جانے کی اجازت دیں گے تو وہ جائیگا۔ میر مہران کا کہنا تھا کہ مجھے اس وقت ایسا لگ رہا تھا جیسے وہ مجھے جان سے مار دیں گے میں بہتڈرا ہواتھا۔ میر میران کی سزا کی ویڈیو جب سوشل میڈیا پر وائرل ہوگئی تو کشمیری عوام نے اس پر رحم وغصہ کا اظہار کیا اور اسے شرمناک حرکت قرار دیا ۔ ایک شخص کا کہنا تھا کہ اب بھارتی فوج کے مظالم اپنی انتہا کو پہنچ گئے ہیں۔ انسانی حقوق کے کارکن خرم پرویز کیانی نے فیس فک پر اپن پیغام میں کہا کہ اس واقعہ سے والدین میں مایوسی پھیلی ہے۔ بھارتی فوج نے کہا کہ وہ اس واقعہ کی تحقیقات کرائے گی۔
