لاہور(کلچرل رپورٹر)سابق مس پاکستان ورلڈ عنزلیکا طاہر نئے بیوٹی کنٹیسٹ میں ”مس ایکو“ میں پاکستان کی نمائندگی کے لئے مصر پہنچ گئی ہیں جس میں دنیا کے مختلف ممالک سے تعلق رکھنے والی ماڈلز شرکت کررہی ہیں۔ عنزلیکا دنیا کے کئی ممالک میں ہونے والے مقابلے جیتنے کے بعد اب ”مس ایکو“کے ٹائٹل پر نظریں جمائے ہوئے ہیں جس کے بارے میں ان کا کہناہے کہ مجھے اس بات کی بہت خوشی ہے کہ میں نے اس سے قبل جتنے بھی مقابلوں میں شرکت کی ہے سب میں ٹائٹل جیتے ہیں اور اس بار بھی میں بہت پرامیدہوں۔ ایک سوال کے جواب میں انہوں نے بتایا ہے اب میں صرف ماڈل کے طور پر ہی نہیں ۔
بلکہ اداکارہ کے طورپر بھی کام کررہی ہوں اور میری پہلی فلم”نہ بینڈ نہ باراتی“ میں کام کرچکی ہوں جس کی شوٹنگ کینیڈامیں کی گئی۔اس فلم میں میرے مقابل میکال ذوالفقارنے کام کیا ہے۔
