کابل(ویب ڈیسک)افغانستان کے سرحدی علاقے اسپین بولدک میں افغان آرمی کے اسلحہ ڈپو میں ہونے والے دھماکوں کے بعد آگ لگ گئی جس کے نتیجے میں 20 افراد زخمی ہوگئے ۔افغان میڈیا کے مطابق اسپین بولدک میں واقع افغان آرمی کے فوجی کیمپ میں اسلحہ کے گودام میں آگ بھڑک اٹھی آگ لگنے کے فوری بعد اسلحے کے گودام میں شدید دھماکے ہوئے جس کے نتیجے میں 19 افراد زخمی ہوگئے دھماکوں کے باعث آس پاس کے تمام مکانات منہدم ہوگئے ہیں ۔افغان حکام کے مطابق دھماکوں کے بعد متعدد فوجی لاپتہ ہوگئے ہیں دھماکے اتنے شدید تھے کہ چمن شہر میں بھی اس کی آوازیں سنائی دی گئی جب کہ کئی گھروں کی دیواروں میں دراڑیں بھی پڑگئیں۔اسپین بولدک میں ہونے والے دھماکوں کے بعد پاک افغان سرحد پر سیکورٹی ہائی الرٹ کردی گئی ۔
