ممبئی (شوبز ڈیسک) بالی وڈ اداکار سلمان خان کی فلم” ٹیوب لائٹ “کا شارٹ وڈیو کلپ ٹویٹر پر جاری کر دیا گیا ہے ۔بھارتی ذرائع ابلاغ کے مطابق اداکار سلمان خان نے فلم” ٹیوب لائٹ “کا شارٹ وڈیو کلپ ٹویٹر پر جاری کیا ہے جس میں بچے کہہ رہے ہیں جل جا …جل جا جس کا مطلب روشن کرنا ہے اور آخر میں لائٹ روشن ہوتی ہے جس سے بچے خوش ہو جاتے ہیں۔فلم میں چینی اداکارہ ژو ژو کو پہلی بار لانچ کیا جائے گا اوراداکار شاہ رخ خان اس فلم میں مختصر کردار میں نظر آئیں گے ۔ہدایتکار کبیر خان کی فلم ٹیوب لائٹ 1962 ءمیں ہندی انڈو سینو جنگ کے پس منظر پر مبنی ہے ۔
فلم عید پر ریلیز کی جائے گی ۔
