ممبئی (نیٹ نیوز) بالی وڈ اداکارہ سشمیتاسین اپنے کیریئر میں رومانوی‘ کامیڈی اور ایکشن فلموں میں کام کر چکی ہیں تاہم طویل عرصے سے وہ سکرین سے غائب ہیں اور اب اداکارہ نے ایک بار پھر فلموں میں کام کرنے کی خواہش کا اظہار کر دیا۔ انڈین ایکسپریس کی ایک رپورٹ کے مطابق سابق مس یونیورس کا کہنا تھا کہ وہ روزانہ فلموں کے سکرپٹس پر غور کر رہی ہیں تاہم اب تک کوئی ایسی کہانی سامنے نہیں آئی جو ان کی توجہ حاصل کر سکے۔ 41سالہ سشمیتاسین نے کہا میں نے کامیڈی‘ ہارر‘ ڈرامائی تمام فلموں میں کام کیا لیکن اس وقت میں ایک بہترین رومانوی فلم میں کام کرنا چاہتی ہوں۔
