ممبئی (شوبز ڈیسک) بالی وڈ اداکار جان ابراہم ٹائیگر شیروف کے مداح نکلے۔بھارتی ذرائع ابلاغ کے مطابق جان ابراہم اور ٹائیگر شیروف کی ایک اشتہار کی شوٹنگ کے دوران ملاقات ہوئی تھی۔جان ابراہم نے ٹائیگر شیروف کی تعریف کرتے ہوئے کہا کہ وہ کافی معاملہ فہم اور مستعد ہیں۔انہوں نے کہا کہ وہ ان کی صحت مند طرز زندگی سے متاثر ہوئے ہیں اوران کے ساتھ کام کرنے کا تجربہ شاندار رہا۔جان ابراہم نے کہا کہ مجھے حال میں ماچھا گرین ٹی کے فوائد کے بارے میں پتہ چلا تو میں حیران ہوگیا۔یہ جسم، خاص طور پر جلد کے لئے اینٹی اکسائڈ ہے۔انہوں نے کہا کہ یہ جاننا اچھا لگا کہ یہاں کچھ لوگ ایسے ہیں، جو جسم کو فعال اور جلد کو صحت مند رکھنے کے لئے مختلف طریقے اپناتے ہیں۔
