لیہ (مانیٹرنگ ڈیسک) آج صبح لیہ کے علاقے 341 ٹی ڈی اے میں باپ نے اپنے 5 بچوںکو زہر دے کر خود بھی زہر پی لیا۔ زہر پینے سے 5 بچے جاں بحق جبکہ باپ بھی ہسپتال میں دم توڑ گیا۔ پولیس کے مطابق زہر پینے سے جاں بحق ہونے والے بچوں میں چار بیٹیاں اور ایک بیٹا شامل ہے۔ جاں بحق ہونے والے بچوں کی عمریں 5 سے 12 سال کے درمیان ہیں۔ جاں بحق بچوں کی شناخت طیبہ‘ تنزیلہ‘ شانزہ‘ صبا اور طیب کے نام سے ہوئی۔ بچوں کا باپ طارق محمود گھریلو حالات سے دلبرداشتہ تھا۔ طارق محمود ایک سال قبل اپنی بیوی کو طلاق دے چکا تھا۔
