اسلام آباد( ویب ڈیسک )میڈیکل سٹور سے آغاز کرنے والا حنیف عباسی بتائے آج ارب پتی کیسے بن گیا :، رہنما پی ٹی آئی ، تحریک انصاف نے پکوڑوں والی دستاویزات جمع کرائی ہیں پی ٹی آئی کے رہنما فواد چودھری کا کہنا ہے تحریک انصاف اور عمران خان ایک ایک پیسے کا حساب دینے کے لیے تیارہیں ، دیگر جماعتوں کی فنڈنگ کا کچھ پتا نہیں ہے۔ مسلم لیگ ن کے دانیال عزیز کہتے ہیں عمران خان بنی گالہ کی منی ٹریل نہیں دے سکے ، اب جعلی سرٹیفکیٹس سے کام نہیں چلے گا۔ دونوں طرف سے تنقید کے باﺅنسرز تھمنے کا نام نہیں لے رہے۔
پی ٹی آئی اور مسلم لیگ نواز کے درمیان میچ جاری ہے۔ ایک دوسرے کو نیچا دکھانے کے لئے نت نئی حکمت عملی تیار کی جا رہی ہے۔ حنیف عباسی کی جانب سے عمران خان کی نا اہلی سے متعلق کیس کی سماعت کے بعد سپریم کورٹ کے باہر میڈیا سے بات کرتے ہوئے فواد چودھری نے حنیف عباسی کے خوب لتے لئے۔ انہوں نے کہا حنیف عباسی نے سپریم کورٹ میں اکبر ایس بابر کی درخواست کو کاپی پیسٹ کیا۔
میڈیکل سٹور سے آغاز کرنے والا حنیف عباسی بتائے آج اربوں روپے کا مالک کیسے بن گیا۔ فواد چودھری کے بعد مسلم لیگ نواز کے دانیال عزیز بھی ترکش میں تنقید کے تیر لئے آئے اور خوب برسائے۔ ان کا کہنا تھا ابھی تو عمران خان بنی گالہ کی منی ٹریل نہیں دے سکے،،اب جعلی سرٹیفکیٹس سے کام نہیں چلے گا۔ دانیال عزیز نے کہا اب تحریک انصاف کی سونامی گلیوں میں پھنس گئی ہے ، آج بھی کوئی پکوڑوں والی دستاویزات جمع کرائی ہیں۔
