لاہور (ویب ڈیسک) پہلا روزہ ہفتے کو ہوگا یا اتوار کے روز ؟ محکمہ موسمیات نے اپنا حساب کتاب بتاتے ہوئے کہا ہے کہ جمعہ کے روز رمضان المبارک کا چاند نظر آنے کے امکانات انتہائی کم ہیں۔ تاہم واضح رہے کہ چاند نظر آنے یا نہ آنے کا حتمی فیصلہ صرف رویت ہلال کمیٹی کرے گی۔
دوسری جانب محکمہ موسمیات نے ماہ صیام کے پہلے دو عشروں میں سخت گرمی پڑنے کی بھی پیش گوئی کی ہے۔ موسم کا حال بتانے والوں نے کہا ہے کہ رمضان کے پہلے دو ہفتوں میں زور کی گرمی پڑنے کا امکان ہے۔