لاہور ( ویب ڈیسک) معروف عالم دین مولانا طارق جمیل کو کینیڈا میں دل کا دورہ پڑنے کی خبریں افواہیں ثابت ہوئیں بلکہ ان کو دل کا دورے کی بجائے سر درد کا اٹیک ہوا اور اس حوالے سے مولانا طارق جمیل کا ویڈیو پیغام سامنے آیا ہے۔ جس میں انہوں نے اپنے چاہنے والوں سے دعائے صحت کی اپیل کرتے ہوئے کہا کہ ”السلام و علیکم ،مجھے اچانک سر درد کا اٹیک ہوا ہے،جس کی وجہ سے میں بہت معذرت خواہ ہوں کہ اپنا پروگرام پورا نہیں کرسکتا،انہوں نے اپنے چاہنے والوں سے معذرت کرتے ہوئے کہا کہ آپ سب سے معافی چاہتا ہوں اور دعا کی درخواست کرتا ہوں،میری تمنا تھی کہ آپ کے شوق کو دیکھتے ہوئے میری خواہش تھی کہ ان ساری جگہ پر آپ سے بات ہوجاتی لیکن بہت مجبوری سے میں یہ معذرت کررہا ہوں اور اللہ تعالیٰ مجھے صحت دے اور آپ سب سے دعا کی درخواست کرتا ہوں“۔ یاد رہے کہ یہ افواہیں گردش کررہی تھیں کہ کینیڈا میں موجود مولانا طارق جمیل کو دل کا دورہ پڑا ہے مگراب ان کے پیغام کے بعد یہ سب افواہیں دم توڑ گئی ہیں۔ واضح رہے کہ مولانا طارق جمیل کو کافی عرصہ سے سردرد کا مسئلہ درپیش ہے جس حوالے سے ان کا علاج بھی جاری ہے۔
