کراچی(ویب ڈیسک) محکمہ موسمیات نے آئندہ 48 گھنٹوں کے دوران کراچی سمیت ملک بھر میں شدید بارشوں کی پیش گوئی کی ہے۔محکمہ موسمیات کی جانب سے جاری کردہ ایڈوائزری کے مطابق آئندہ 48 گھنٹوں کے دوران بالائی پنجاب، زیریں سندھ، خیبر پختونخوا، مشرقی بلوچستان اور کشمیر ریجن میں گرج چمک کے ساتھ موسلادھار بارشوں کا امکان ہے۔محکمہ موسمیات کی جانب سے وارننگ جاری ہونے کے بعد کراچی کے ڈپٹی میئر ارشد وہرہ نے تمام ضلعی عہدے داران اور حکام کو الرٹ رہنے کی ہدایات جاری کردی ہیں جب کہ انہیں عید کے تیسرے روز یعنی 28 جون کو میئر کے دفتر میں طلب کرلیا ہے۔
