لاہور ( نیوزایجنسیاں) رومانیا کی ایرینا نے بخاریسٹ ٹینس ٹورنامنٹ کاٹائٹل جیت لیا۔فاتح کھلاڑی نے فائنل میں جرمنی کی جولیا جارجزکو 3۔6 اور 5۔7 سے جیت کر ٹرافی پر قبضہ جما لیا۔رومانیا میں جاری بخاریسٹ ٹینس ٹورنامنٹ کے فائنل میں رومانیا کی ایرینا بیگو اور جرمنی کی جولیا جارجز میں جوڑ پڑا، رومانیا کی کھلاڑی نے پہلا سیٹ چھ تین سے با آسانی اپنے نام کیا۔ جرمن پلیئر نے دوسرے سیٹ میں کچھ ہمت دکھائی اور دونوں کھلاڑیوں کے درمیان کانٹے کا مقابلہ دیکھنے کو ملا لیکن دلچسپ مقابلے کے بعد دوسرا سیٹ بھی رومانیا کی ایرینا نے سات پانچ سے جیت کر ٹرافی پر قبضہ جما لیا۔
