تازہ تر ین

عمران خان بھی سابق وزیراعظم کے راستے پر چل پڑے, اہم احکامات جاری

کوہستان (اے پی پی) تحریک انصاف کے چیئرمین عمران خان نے کوہستان کے دونوں اضلاع اپر اور لوئر کوہستان کی دو حسین وادیوں سوپٹ ویلی اور موڑو مالی کا دورہ کیا۔ دورہ میں پارٹی کے مقامی کارکن ان کے ساتھ موجود تھے۔ تفصیلات کے مطابق تحریک انصاف کے چیئرمین عمران خان نے ضلع اپر کوہستان کی خوبصورت وادی سوپٹ کے دورہ کے دوران مصروف دن گذارا۔ دورہ کے دوران ان کے ساتھ پارٹی مقامی کے کارکن بھی موجود تھے۔ اس موقع پر عمران خان سوپٹ ویلی میں ایک خوبصورت پارک بنانے کا اعلان کیا اور کہا کہ اس علاقہ میں سڑک کا ہونا بھی بہت ضروری ہیں، ہم پوری کوششیں کریں گے کہ یہ سڑک جلد از جلد تعمیر ہو۔ انہوں نے کہا کہ اگر اس علاقہ کو سڑک کی سہولت میسر ہو گئی تو یہاں دنیا بھر کے سیاح آئیں گے جس سے کوہستان کے دونوں اضلاع میں ترقی کا حقیقی دور شروع ہو گا، دورہ سوپٹ اور وادی موڑو دو ایسے سیاحتی مقامات ہیں کہ اگر یہاں مواصلات کا نظام ٹھیک ہو تو دنیا بھر کے سیاح ان علاقوں کا رخ کریں جس سے مقامی افراد کے حالات بہتر ہو سکتے ہیں۔ انہوں نے کہا کہ دونوں علاقوں کے عوام کی سہولت کیلئے سب سے پہلے سڑکوں کا بندوبست کریں گے اور ان دونوں علاقوں میں نیشنل پارک بنائے جائیں گے۔ یاد رہے کہ تحریک انصاف کے چیئرمین نے رمضان المبارک میں ان وادیوں کے دورہ کا پروگرام بنایا تھا مگر ملکی سیاسی حالات کی وجہ سے اس کا دورہ تین بار ملتوی کرنا پڑا۔ دورہ کے دوران اپر کوہستان اور لوئر کوہستان کی ضلعی انتظامیہ نے سخت سکیورٹی کے انتظامات کر رکھے تھے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain