اسلام آباد:دنیا بھر کئے 6 ممالک نے شریف خاندان کے کاروبار اور بینک اکاؤنٹس کی تصدیق کر دی ہے ۔ تفصیلات کے مطابق جے آئی ٹی رپورٹ کے والیوم 10 میں شامل سرمایہ کاری والے 21 ممالک میں سے شریف خاندان کے بھارت ، برطانیہ، متحدہ عرب امارات، سعودی عرب ، قطر ، سوئٹزرلینڈ اور چین میں کاروبار موجود ہیں۔ ایک رپورٹ کے مطابق انہی ممالک میں موجود فارن کرنسی اکاؤنٹس میں شریف خاندان کے اربوں روپے پڑے ہیں جو انہوں نے ان ممالک میں کاروباروں میں لگا رکھے ہیں۔دیگر 15 ممالک سے بھی اداروں کو تفصیلات موصول ہونے والی ہیں جن سے پتہ چل سکے گا کہ گذشتہ چار سال میں کتنے ارب روپیہ ملک سے باہر گیا؟ کہاں کون سا کاروبار ہوا؟ اور رقم بھیجنے کا ذریعہ کیا تھا؟ اور مزید یہ کہ یہ رقم کہاں سے آئی تھی؟ ذرائع نے بتایا کہ شریف خاندان کا اکیس ممالک میں کاروبار کے حوالے سے 6 ممالک نے شریف خاندان کے کاروبار کے حوالے سے تصدیق کر دی ہے ۔ جبکہ دیگر 15 ممالک کے بارے میں تفصیلات اکٹھی کی جا رہی ہیں۔
