وزیراعظم کی نواز شریف سے ملاقات, اندرونی کہانی منظر عام پر!!!

لاہور (اپنے سٹاف رپورٹر سے) وزیراعظم شاہد خاقان عباسی نے سابق وزیراعظم محمد نواز شریف سے جاتی امرا میں ملاقات کی‘ ملاقات میں قومی اہمیت کے امور اور مجموعی صورتحال پر تبادلہ خیال کیا گیا جبکہ ترقیاتی ایجنڈا جاری رکھنے کے لئے حکومتی کاوشوں پر غور کیا گیا۔ منگل کو وزیراعظم شاہد خاقان عباسی نے سابق وزیراعظم نواز شریف سے ملاقات کی۔ ملاقات میں قومی اہمیت کے امور اور مجموعی صورتحال پر تبادلہ خیال کیا گیا جبکہ ترقیاتی ایجنڈا جاری رکھنے کے لئے حکومتی کاوشوں پر بھی غور کیا گیا۔ ملاقات میں وزیراعلیٰ پنجاب شہباز شریف اور وفاقی وزیر خزانہ اسحاق ڈار بھی موجود تھے۔ وزیراعظم نے ارکان پارلیمنٹ اور پارٹی ارکان سے ملاقاتوں کے بارے میں آگاہ کیا۔ سینیٹر سے گفتگو کرتے ہوئے وزیر اعظم شاہد خاقان عباسی نے کہا ہے کہ پاکستان مسلم لیگ (ن) نے کرپشن سے پاک حکومت کا تصور دیا ہے، درحقیقت یہ امر ہمارے لئے نہایت قابل فخر ہے کہ گزشتہ چار برسوں کے دوران ترقیاتی منصوبوں میں بد عنوانی کا ایک کیس بھی سامنے نہیں آیا، موجودہ حکومت قانون کی حکمرانی جمہوری تصورات کی بالا دستی اور اداروں کے استحکا م پر پختہ یقین رکھتی ہے۔ ارکان پارلیمنٹ کے روبرو حقیقی چیلنج گزشتہ چار برسوں کے دوران حاصل ہونے والے فوائد کو تقویت دینا ہے۔ وزیراعظم نے کہاکہ پاکستان مسلم لیگ (ن) کی حکومت نے گزشتہ چار برسوں کے دوران ملک کو درپیش چیلنجوں سے نکالنے کے لئے اہم کردار ادا کیا ہے، محمد نواز شریف کی قیادت میں مسلم لیگ (ن) کی حکومت نے معیشت سے لے کر امن و امان کی ابتر صورتحال تک کے چیلنجوں سے مو¿ثر طور پر نبردآزما ہوتے ہوئے ملک کو واپس پٹڑی پر ڈالا ہے اور ترقی و خوشحالی کے سفر پر گامزن کیا ہے۔ وزیر اعظم نے سکیورٹی، معیشت اور ترقی سے متعلق مختلف پالیسی اقدامات پر گفتگو کرتے ہوئے کہاکہ موجودہ حکومت کی کارکردگی گزشتہ حکومتوں سے بہتر ہے۔ حکومت نے اشد درکار ترقیاتی منصوبوں پر توجہ مرکوز کی جن سے عوام کی ضروریات پوری ہوئیں اور ان منصوبوں کی بروقت تکمیل کو یقینی بنایا ۔وزیراعظم نے اس امر پرزور دیاکہ حکومتی پالیسیوں سے بین الاقوامی سطح پر ہمارا مثبت تشخص بھی اجاگر ہوا اور بین الاقوامی برادری بالخصوصی غیر ملکی سرمایہ کاروںکا اعتماد بحال ہوا، ممتاز بین الاقوامی اداروں نے اس کا اعتراف بھی کیا ہے۔ وزیر اعظم نے کہاکہ ہم نے کرپشن سے پاک حکومت کا تصور دیا ہے اور درحقیقت یہ ہم سب کے لئے نہایت فخر کی بات ہے کہ گزشتہ چار برسوں کے دوران ترقیاتی منصوبوں میں بدعنوانی کا ایک کیس بھی سامنے نہیں آیا۔ وزیر اعظم نے بالخصوص معیشت ، بجلی کے شعبہ ، مختلف ترقیاتی منصوبوں کی بروقت تکمیل اور داخلی سلامتی کو یقینی بنانے کے شعبہ جات میں حاصل ہونے والی کامیابیوں کو اجاگر کیا۔ وزیر اعظم سے چیئر مین جوائنٹ چیفس آف سٹاف کمیٹی جنرل زبیر محمود حیات نے وزیر اعظم ہاﺅس میں ملاقات کی۔ وزیر اعظم آفس کی طرف سے جاری بیان کے مطابق ملاقات میں مسلح افواج سے متعلق پیشہ ورانہ امور پر تبادلہ خیال کیا گیا۔

سب سے زیادہ پڑھی جانے والی مقبول خبریں


دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved