ابوجا (نیٹ نیوز) نائیجیریا کے صدر اگلے تین ماہ اپنے گھر سے کام کریں گے کیونکہ چوہوں نے ان کی غیر موجودگی میں دفتر میں تباہی مچا دی۔ صدر محمد بخاری اپنی طبیعت کی ناسازی کے باعث گزشتہ تین ماہ سے برطانیہ میں وقت گزار رہے تھے ۔ حکومت کے ترجمان گاربا شے ہو نے کہا ہے کہ دفتر میں صدر کی غیر موجودگی میں فرنیچر اور ایئر کنڈیشنر کو نقصان پہنچا تھا جس کی مرمت کرنے کی ضرورت ہے ۔صدر بخاری کے گھر سے کام کرنے کے فیصلے کو ملک کے عوام نے زیادہ پسند نہیں کیا اور سرکاری طور پر دی جانے والی وجہ کا سوشل میڈیا پر مذاق اڑایا ہے ۔ کچھ لوگوں نے اس بات پر تمسخر اڑایا کہ صدر بخاری کو عام طور پر شیر صدر کہا جاتا ہے ۔نائیجیریا کے وکیل اور کالم نویس فیمی فانی فیود نے ٹوئٹ کی:لگتا ہے کہ چوہے بھی نہیں چاہتے صدر بخاری واپس آئیں۔