ساتویں منزل سے گاڑی گرنے کی ویڈیو سامنے آگئی

آسٹن (نیٹ نیوز) امریکہ میں عمارت کی ساتویں منزل سے کار نیچے کھڑی گاڑی پر جاگری تاہم خوش قسمتی سے دونوں ڈرائیور محفوظ رہے۔کہتے ہیں جسے اللہ رکھے اسے کون چکھے۔ ایسا ہی ایک واقعہ امریکی ریاست ٹیکساس کے شہر آسٹن میں پیش آیا جہاں ایک عمارت کی ساتویں منزل پر موجود پارکنگ میں خاتون اپنی کار پارک کررہی تھی کہ تیزرفتاری کی وجہ سے اس کی کار حفاظتی جنگلا توڑتے ہوئے سامنے دوسری بلڈنگ سے ٹکرائی اور پھر نیچے کھڑی گاڑی کے پچھلے حصے پر جاگری بعدازاں آس پاس موجود لوگوں نے اوپر سے گرنے والی خاتون کو باہر نکالا جنہیں کافی چوٹیں آئی تھیں۔ انہیں فوراً ہسپتال منتقل کرکے طبی امداد فراہم کی گئی۔ واقعے کی ویڈیو عمارت میں لگے سی سی ٹی وی کیمرے میں محفوظ ہوگئی جسے پولیس نے جاری کردیا۔ رپورٹس کے مطابق پچھلے سال ستمبر میں بھی اسی عمارت کی 9 ویں منزل سے ایک گاڑی نیچے جاگری تھی۔

سب سے زیادہ پڑھی جانے والی مقبول خبریں


دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved