تازہ تر ین

این اے 120 کا انتخابی معرکہ،پیپلزپارٹی نے بھی زبردست اعلان کر دیا

پیپلز پارٹی نے سابق وزیراعظم نواز شریف کی نااہلی کے بعد خالی ہونے والی قومی اسمبلی کی نشست این اے 120 کے ضمنی انتخاب سے قبل وہاں جلسے کا اعلان کیا ہے۔

پی پی پی کے رہنما قمر زمان کائرہ اور ندیم افضل چن نے پریس کانفرنس کرتے ہوئے اعلان کیا کہ پیپلز پارٹی 14 ستمبر کو این اے 120 لاہور میں بھرپور طاقت کا مظاہرہ کرے گی۔

پریس کانفرنس کے دوران قمر زمان کائرہ کا کہنا تھا کہ الیکشن قوانین کی مسلسل خلاف ورزی کی جارہی ہے لیکن کوئی پوچھنے والا نہیں ہے، الیکشن کمیشن ضابطہ اخلاق کی خلاف ورزیاں روکے۔

انہوں نے کہا کہ الیکشن کمیشن اپنے مکمل اختیارات استعمال کرے، اگر الیکشن کمیشن اپنے فیصلوں پر عملدرآمد نہیں کرا سکتا تو اسے تبدیل کردینا چاہیے۔

قمر زمان کائرہ کا کہنا تھا کہ سیاسی جماعتوں کے لیڈروں کو جلسوں میں جانے کا حق ہونا چاہیے لیکن ارکان اسمبلی کو جلسے، جلوس میں جانے کی اجازت نہیں ہونی چاہیے۔

پیپلز پارٹی کے رہنما نے کہا کہ 14 ستمبر کو مزنگ کے علاقے میں جلسہ کریں گے جس کے لئے تیاریاں کی جارہی ہے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain