لاہور(شوبز ڈیسک) فلم سٹارماورا حسین نے کہا ہے کہ دہشت گردی کے واقعات رونما ہونے کے باوجود مخالف لابی نے دنیا بھرمیں پاکستان کوہی بدنام کررکھا تھا لیکن اب انٹرنیشنل کرکٹ کی واپسی کے لیے ورلڈالیون کی آمد کوگرین سگنل مانا جائے توغلط نہ ہوگا تاہم اسی طرح شوبز سرگرمیوں کیلیے بھی اقدامات کرنا ہونگے۔’میڈیا“ سے گفتگو کرتے ہوئے انہوں نے کہا کہ لاہورمیں سجنے والے ورلڈ الیون اور قومی ٹیم کے مابین میچزکوتمام فنکاروں نے انجوائے کیا ہے ۔ مجھے یہ جان کربے حد خوشی ہوئی کہ جونہی ورلڈ الیون کی آمد کا اعلان ہوا تو لاہوریوں نے اپنے تاریخی شہر کو خوبصورتی سے سجانا شروع کیا وہی کرکٹ بخار دوبارہ دکھائی دیا، جو ماضی میں لوگوں کو ہوتا تھااداکارہ نے کہا کہ اس بار تو سٹیڈیم میں جہاں نوجوان مرد اور خواتین کی بڑی تعداد نظرآئی۔، وہیں معصوم بچے بھی دنیا کے بہترین کھلاڑیوں کی ایک جھلک دیکھنے کے لیے سٹیڈیم میں موجود تھے۔
