کراچی(شوبز ڈیسک) کوک اسٹوڈیو نے اپنے تاریخی سیزن 10 کی چھٹی قسط کا اجراء کر دیا جس میں مومنہ مستحسن کا گانا ‘گھومتنا’، علی ظفر اور نتاشا خان کا گانا ‘یہ سوچ’، حمیرا ارشد، ریچل ویکاجی اور عائمہ بیگ کا گیت ‘کاٹے نہ کٹے’ اور جبار عباس اور عمیر جسوال کا کلام ‘دم مست قلندر’ شامل ہیں۔ یہ قسط گزشتہ روز ڈیجیٹل میڈیا پر نشر کی گئی ہے جبکہ ہفتہ 16ستمبر کو تمام بڑے ٹی وی چینلز پر نشر کی گئی ہے ۔اس قسط کے پہلے گیت گھومتنا کی میوزک ڈائریکشن اور کمپوزیشن سلمان احمد نے کی جبکہ اسے اسٹرنگز نے پیش کیا ہے۔ اس گیت میں تاریک وقت پر روشنی کی اہمیت اجاگر کی گئی ہے۔ اس گانے نے مومنہ مستحسن کے ساتھ نوجوان خواتین کی کورس کی شکل میں بھی آوازیں شامل ہیں۔
