کراچی(شوبز ڈیسک )پاکستان کے پرکشش اور باصلاحیت اداکار فواد خان کو دنیا کی 100 پرکشش شخصیات میں شامل کرلیا گیا ہے۔ رپورٹ کے مطابق ٹی سی کیلنڈرکی جانب سے 2017 کے سب سے زیادہ پر کشش اور خوبصورت چہروں کی فہرست جاری کی گئی ہے جس میں فواد خان کا نام بھی شامل ہے ، فہرست میں فواد خان کے علاوہ بالی ووڈ اداکار ریتک روشن، ہالی ووڈ اداکارجارج کلونی ،رابرٹ پیٹنسن ودیگرکے نام بھی قابل ذکر ہیں،کیلنڈر نے ابتدائی طور پردنیا بھر کے اداکاروں کا نام لسٹ میں شامل کرکے اسے انسٹاگرام پر شیئر کیا ہے تاہم ابھی انہوں نے ظاہر نہیں کیا کہ کس اداکار کو لسٹ میں کون سا نمبر دیا جائیگا ، لوگوں کی جانب سے دئیے جانیوالے ووٹوں کے نتائج کے بعد فیصلہ کیا جائیگا کہ کون سا اداکار کس نمبر پر ہے ،حتمی فہرست رواں سال دسمبر میں شائع کی جائیگی۔
