تازہ تر ین

رکاوٹوں کے باوجود ملکی تعمیر و ترقی میں اہم کامیابی, وزیراعلیٰ کا بڑا اعلان

لاہور (اپنے سٹاف رپورٹر سے) وزیراعلیٰ پنجاب محمد شہبازشریف نے کہا ہے کہ مسلم لےگ(ن) کی سےاست کا محور صرف اورصرف عوام کی خدمت ہے اور خدمت خلق ہی ہمارا اوڑھنا بچھونا ہے۔ مسلم لیگ(ن) نے اپنے ہر دور میں حکومت میں صدق دل کےساتھ عوام کی بے لوث خدمت کی ہے اور عوام کو بنیادی سہولتوں کی فراہمی کے بڑے بڑے منصوبے لگائے ہیں۔خالی نعروں اورتقرےروں سے عوام کی خدمت نہےں ہوتی بلکہ اس کیلئے مٹی کےساتھ مٹی ہونا پڑتا ہے۔ ہم صرف عوامی خدمت پر یقین رکھتے ہیں اور خدمت خلق کا سفر آئندہ بھی جاری رہے گا۔ وزیراعلیٰ محمد شہبازشریف نے ان خیالات کا اظہار آج یہاں پاکستان مسلم لیگ (ن) کے ایک وفد سے گفتگو کرتے ہوئے کیا۔ وزیراعلیٰ نے کہا کہ صوبے میں شفافیت اور میرٹ کے کلچر کو پروان چڑھایا گیا ہے کیونکہ ہم سمجھتے ہیں کہ ترقی اور خوشحالی کی منزل حاصل کرنے کا یہی واحد راستہ ہے۔مےرٹ اورشفافےت کی پالےسی پر عملدر آمد سے ترقی کا سفر تےزی سے طے ہوا ہے ۔ انہوں نے کہا کہ مسلم لیگ (ن) کی حکومت نے عوامی خدمت کے منصوبوں میں شفافیت، معیار اور رفتار کے ریکارڈ قائم کئے ہیں۔ ہمارے لگائے گئے ترقیاتی منصوبے شفافیت اور معیار کے لحاظ سے اپنی مثال آپ ہیں اور مسلم لیگ (ن) کی حکومت کے 4 برس شفافیت، خدمت اور دیانت کا منہ بولتا ثبوت ہیں۔بین الاقوامی اداروں نے بھی موجودہ حکومت کی شفافیت کی پالیسیوں پر مہر تصدیق ثبت کی ہے۔ انہوں نے کہا کہ تیز رفتار ترقی کے ثمرات عوام تک پہنچ رہے ہیںاوررکاوٹوں کے باوجودملک کی تعمیر و ترقی کے منصوبوں کو معیار اوررفتار کےساتھ آگے بڑھایا ہے اورہمارے 4 سالہ دور کے دوران خوشحا ل اور ترقی یافتہ پاکستان کی بنیاد رکھ دی گئی ہے۔ وزیراعلیٰ نے کہا کہ مسلم لیگ (ن) نے ہمیشہ قومی مفادات کو مقدم رکھا ہے اور ہمیشہ رواداری، شائستگی اور قومی یکجہتی کو فروغ دیا ہے۔ پنجاب حکومت کے فلاحی پروگراموں میں پاکستان کی تمام اکائیوں کی شمولیت اس کا منہ بولتا ثبوت ہے۔ انہوں نے کہا کہ گزشتہ چار برس کے دوران ٹھوس حکومتی اقدامات سے معیشت میں نمایاں بہتری آئی ہے اور مضبوط معیشت کے ثمرات سامنے آنا شروع ہو گئے ہیں۔ انہوں نے کہا کہ ہماری حکومت نے صوبے میں کرپشن فری اور میرٹ کے کلچر کو فروغ دیا ہے اور صوبہ پنجاب کارکردگی کے حوالے سے سب سے آگے ہے۔ انہوں نے کہا کہ ہمیں محنت، امانت، صداقت اور دیانت کو شعار بنا تے ہوئے ترقی کے سفر میں سب کو ایک ٹیم کے طور پر آگے بڑھنا ہے۔ انہوں نے کہا کہ صوبے میں انصاف ، میرٹ اور قانون کی حکمرانی کو یقینی بنایا گیا ہے اور سب کو آگے بڑھنے کے یکساں مواقع فراہم کئے گئے ہیں۔ انہوں نے کہا کہ عوام نے 2013 کے انتخابات میں پاکستان مسلم لیگ (ن) کی قیادت پر جس اعتماد کا اظہار کیا تھا،وہ اس پر پورا اتری ہے اور ہم عوام سے کئے گئے وعدوں کی تکمیل کی جانب سے بڑھ رہے ہیں۔2018ءکے الیکشن میں باشعور عوام خدمت ،دیانت اور امانت کی سیاست کو ایک بار پھر کامیاب کرائیں گے۔ وزیراعلی پنجاب محمد شہباز شریف نے چلڈرن ہسپتال لاہور میں بچوں کے پہلے بون میروٹرانسپلانٹ کی کامیابی پر ہسپتال انتظامیہ اور ڈاکٹرز کی ٹیم کو مبارکباد دی ہے اورکہا ہے کہ پاکستان کے کسی بھی سرکاری ہسپتال میںبچوں کاپہلی مرتبہ کامےاب بون میروٹرانسپلانٹ اےک بڑی کامیابی ہے۔وزیر اعلیٰ نے کامیاب بون میروٹرانسپلانٹ پر ڈاکٹروں، نرسوں اوردےگر عملے کو شاباش دی ہے جبکہ کامےاب بون مےرو ٹرانسپلانٹ پر بچوں کے والدےن کو بھی مبارکباد دی ہے۔ وزےراعلیٰ نے کہا کہ ےہ حقےقی معنوں مےں دکھی انسانےت کی خدمت ہے اوردکھی انسانےت کی دل و جان سے خدمت کرنے والے ڈاکٹر ہمارے سروں کے تاج ہےں ۔انہوںنے کہا کہ آج چلڈرن ہسپتال لاہور مےں وہی علاج معالجہ عام آدمی کے بچوں کو فری مل رہا ہے جو اشرافےہ بےرون ملک سے کراتی ہے ۔انہوںنے کہا کہ چلڈرن ہسپتال لاہور میں بون میروٹرانسپلانٹ سنٹر کا قیام دکھی انسانےت کی خدمت مےںاےک اہم سنگ مےل ہے۔ وزیراعلیٰ پنجاب محمد شہبازشرےف نے عالمی ےوم امن کے موقع پر پےغام میں کہا ہے کہ یہ دن منانے کا مقصد لوگوں میں امن کی ضرورت اوراہمیت کے حوالے سے شعور اجاگر کرنا ہے اور آج کے دن ہمیں قیام امن کےلئے اپنی جانوں کا نذرانہ پیش کرنےوالوں کو خراج عقیدت بھی پیش کرنا ہے۔انہوں نے کہا کہ امن، پیار اور محبت کی فضا قائم کرنا دین اسلام کا بنیادی درس ہے۔ دنیا کا ہر انسان کائنات میں امن وسکون کی فضا کی خواہش رکھتا ہے اور انسانوں میں امن کی خواہش فطری عمل ہے لیکن ناانصافی، جہالت، محرومی،جارحیت اور توسیع پسندانہ عزائم امن کے قیام میں سب سے بڑی رکاوٹ ہیں۔امن صرف خواہشوں سے قائم نہیں ہوتا بلکہ امن کے قیام کےلئے جنگ کے ہر سبب کا خاتمہ کرنا ضروری ہے۔ انہوں نے کہا کہ دنیا میں امن اور ہم آہنگی کے قیام کی کوششوں میں پاکستان ہراول دستے کا کردار ادا کررہا ہے۔ مسلم لیگ (ن) کی حکومت دہشت گردی اور انتہاپسندی کے خاتمے کےلئے موثر پالیسی پر گامزن ہے۔ وزیراعلیٰ پنجا ب محمد شہبازشریف نے پنجابی زبان کے معروف شاعر افضل احسن رندھاوا کے انتقال پر گہرے دکھ اور افسوس کا اظہار کیا ہے۔ وزیراعلیٰ اپنے تعزیتی پیغام میں سوگوار خاندان سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا فرمائے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain