تازہ تر ین

ایشیا کپ: پاکستان نے بنگلہ دیش کو سات گول سے ہرا دیا

ڈھاکا: پاکستان نے ایشیا کپ ہاکی ٹورنامنٹ کامیاب آغاز کرتے ہوئے بنگلہ دیش کو باآسانی سات گول سے شکست دے دی۔پاکستان کی جانب سے ابو بکر محمود نے تین گول کرکے ہیٹ ٹرک کی جبکہ دو گول عماد بٹ اور دو ارسلان قادر نے اسکور کیے۔پاکستان نے میچ میں 9 پنالٹی کارنرز حاصل کیے جس میں سے تین پر گو ل کیے۔

پاکستان کو پہلے پینالٹی کارنر پہلی ہی ہاف میں مل گیا تاہم بنگلہ دیشی کیپر عاصم گوپے اس کا دفاع کرنے میں کامیاب رہے۔

دوسرے کوارٹر میں پاکستان کو ایک اور پینالٹی کارنر لیکن گرین شرٹس اس سے بھی فائدہ اٹھانے میں ناکام رہے۔ پاکستان کو فوری ایک اور پینالٹی کارنر ملا لیکن اس مرتبہ ابو محمود کی ڈریگ فلک کو بنگلہ دیشی گول کیپر نہ روک سکے۔

دوسرے ہاف میں بھی پاکستان کی جانب سے شاندار کھیل کا سلسلہ جاری رہا اور پاکستان نے اپنی سبقت برقرار رکھی۔

میچ کے اختتامی مراحم میں بنگلہ دیش نے گول کرنے کی کوششیں تیز کردیں تاہم بال کا کنٹرول پاکستان نے اپنے پاس ہی رکھا اور گولز اسکور کرنے کا سلسلہ وقفے وقفے سے جاری رہا۔

پاکستان کا اگلا مقابلہ جاپان سے 13 اکتوبر کو ہگا جبکہ بنگلہ دیشی ٹیم ہندوستان کیخلاف میدان میں اترے گی۔

سب سے زیادہ پڑھی جانے والی مقبول خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved