لاہور(ویب ڈیسک)پنجاب حکومت نے اورنج لائن میٹرو ٹرین کے بعد بلیو لائن میٹرو ٹرین منصوبے پر پیشرفت کرنے کا فیصلہ کیا ہے جس کےلئے ایشین بینک سے قرض لیا جائے گا ،وفاقی حکومت کو 360ارب روپے کا کانسپٹ پیپر بھجوا دیا گیا۔کانسپٹ پیپر کے مطابق بلیو لائن میٹروٹرین کے لئے 360 ارب روپے کا تخمینہ لگایاگیا ہے جس کےلئے ایشین بینک سے قرض کے حصول کے لئے بات کی جائے گی۔ذرائع کے مطابق ایشین بینک کے وفد کی آئندہ ماہ پاکستان آمد متوقع ہے اور پنجاب کے افسران وفد کو اس منصوبے میں مالی معاونت کےلئے قائل کرنے کی کوشش کریں گے۔
