تازہ تر ین

نواز شریف کو سمجھ آ گئی، مجھے کیوں نکالا بارے حقیقت تسلیم کر لی

ایبٹ آباد (نامہ نگار) سابق وزیر اعظم میاں محمد نواز شریف نے کہا کہ میری عدالت 20 کروڑ عوام ہیں جنہوں نے میرے حق میں فیصلہ دے دیا ہے اور الیکشن 2018 میں ایک بار پھر مسلم لیگ ن کا میابی سے ہمکنار ہو گی پوسٹ گریجویٹ کالج ایبٹ آباد کے گراﺅنڈ میں جلسہ عام سے خطاب کرتے ہوئے نواز شریف نے کہا کہ پانامہ کا ڈرامہ رچانے کے بعد مجھے صرف اس بات پر نااہل قرار دے کر وزیر اعطم ہاﺅس سے نکال دیا گیا کہ میں نے اپنے بیٹے سے تنخواہ نہیں لی ہزارہ کے عوام نے میرے حق میں ریفرنڈم کر کے اپنا فیسلہ سنا دیا ہے الیکشن 2018 میں پھر آپ کے پاس آﺅں گا میں ہار ماننے والوں میں سے نہین ہزارہ کے عوام نے تاریخی جلسہ کر کے میرا سر فخر سے بلند کر دیا ہے جب تک سانس باقی ہے ہزارہ کے عوام سے میری محبت برقرار رہے گی میاں نواز شریف نے عوامی مارچ کا عندیہ دیتے ہوئے کہا کہ مجھے سازش کے تحت نا اہل قرار دیا گیا اور عوام سے دور کرنے کی کوشش کی گئی مگر وزیر اعظم ہاﺅس سے نکلا تو چار دنوں میں عوامی سمندر کے ہمراہ لاہور پہنچا پہلے روز ہی عوام نے میرا ساتھ دیا اور فیصلہ مسترد کیا آج ہزارہ کے عوام نے بھی ریفرنڈم کے ذریعے قوم اور سازشی عناصر کو اپنا پیغام دے دیا ہے سابق وزیر اعظم نے کہا کہ میں نے لوڈشیڈنگ کے خاتمے کا اعلان کیا تھا الحمد اللہ لوڈشیڈنگ ختم ہو رہی ہے ملک دہشت گردی کا شکار تھا آج ملک میں امن ہے ہزارہ کے عوام کے ساتھ موتر وے کا وعدہ کیا تھا جو تکمیل کے آخری مراحل میں ہے میں وزیر اعظم نہیں رہا پھر بھی موٹر وے بنے گا کھربوں روپے کے پراجیکٹ مکمل ہوئے اور کچھ تکمیل کے مراحل میں ہیں مانسہرہ تک موٹر وے بنے گا 6 رویہ ٹریفک چلے گی پورے ملک میں موٹر وے اور سڑکوں کا جال بچھایا اس کے باوجود ہمارے ساتھ ناانصافی ہوئی مجھے پورے خاندان سمیت JIT کے سامنے پیش کیا گیا لیکن میں نے ہمت نہیں ہاری قوم کی ایک ایک پائی کو مقدس امانت سمجھا ہے نواز شریف پر تنقید کرنے والے بتائیں کہ انہوں نے لوڈشیڈنگ کے خاتمے کےلئے بجلی پیدا کرنے کے وعدے کیے تھے ان پر عملدرآمد کیا ہے کرپشن پہلے سے زیاہ بڑھ چکی ہے اربوں درخت لگانے کا دعویٰ کرنے والے قوم کے اربوں روپے کھا گئے ہیں اور ڈکاربھی نہیں لیا ملک لوٹنے والوں سے تو کبھی کسی نے کوئی سوال نہیں کیا سارا نزلہ صرف نواز شریف پر ہی کیوں گرایا جاتا ہے میں نے تو ملک کو ترقی کی راہ پر گامزن کیا ناقابل تسخیر بنایا انہوں نے کہا کہ ہزارہ کے عوام الیکشن 2018 میں میرا ساتھ دیں مرتے دم تک ہزارہ کے عوام سے محبت ختم نہیں ہو گی جلسہ عامسے سردار مہتاب احمد خان عباسی اورمحمود خان اچکزئی نے بھی خطاب کیا۔مسلم لیگ (ن) کے ضلعی صدر وایم پی اے سردار اورنگ زیب نلوٹھہ اور سنیٹر بیرسٹر جاوید ایک بارپھر بازی لے گے حویلیاں سے سردار اورنگ زیب نلوٹھہ اور گلیات سے سنیٹر بیرسٹر جاوید کی قیادت میں بڑے جلوس جلسہ گاہ میں شرکت ہوئے اور گراﺅنڈ نوازشریف کے نعروں سے گونج اٹھامانسہرہ سے سردار یوسف جنرل صلاح لدین ترمزی ، کیپٹن صفدرمیاں ضیاءالرحمن کی قیادت میں ضلع ہری پور قاضی محمد اسد،‘راجہ فیصل زمان ، میجر (ر)حبیب اللہ خان ترین قیادت میںجلوس نے جلسہ گاہ میں شرکت کی تاہم سردار اورنگ زیب نلوٹھہ اور بیرسٹر جاوید عباسی نے سب کو مات دیدی۔

 

سب سے زیادہ پڑھی جانے والی مقبول خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved