ممبئی(شوبز ڈیسک) بالی وڈ پروڈیوسر پریرنا اروڑا نے فلم ”بتی گل میٹر چالو“ میں اداکار شاہد کپور کے ساتھ مرکزی کردار کے لئے ایلیانا ڈی کروز سے رابطے بڑھا لئے۔ بھارتی میڈیا کے مطابق اس سلسلے میں پروڈیوسر پریرنا اروڑا کا کہنا ہے کہ ہدایتکار شری نارائن سنگھ کی فلم ”بتی گل میٹر چالو“ میں اداکار شاہد کپور کے ساتھ مرکزی کردار کے لئے اداکارہ ایلیانا ڈی کروز کو کاسٹ کرنے کے لئے ان سے بات کریںگے، فلم آئندہ سال ریلیز کی جائے گی۔ واضح رہے کہ دونوں اداکار 2013 ءمیں راج کمار سنتوشی کی فلم ” پھٹا پوسٹر نکلا ہیرو“ میں اکھٹے کام کر چکے ہیں۔ اس فلم میں ان کی جوڑی کو مداحوں کی جانب سے بے حد سراہا گیا تھا۔ اسی وجہ سے انہیں اس بار بھی ایک ساتھ کام کےلئے چنا گیا ہے۔