میلبورن (اے پی پی) شہرہ آفاق امریکی ٹینس سٹار اور 23 مرتبہ کی گرینڈ سلام سنگلز چیمپئن سرینا ولیمز آئندہ ماہ شیڈول سال کے پہلے گرینڈ سلام ٹورنامنٹ آسٹریلین اوپن میں شرکت کریں گی، سرینا ایونٹ میں ٹائٹل کا دفاع کریں گی۔، انہوں نے رواں برس جنوری میں کیریئر کا ساتواں آسٹریلین اوپن ٹائٹل جیتا تھا۔ ٹورنامنٹ ڈائریکٹر کریگ ٹیلے نے اپنے بیان میں کہا ہے کہ سرینا نے ایونٹ میں شرکت کیلئے ویزہ حاصل کر لیا ہے اور میرے خیال میں اب وہ ایونٹ میں شرکت کیلئے مکمل طور پر تیار ہیں۔ واضح رہے کہ سرینا ولیمز نے سوشل میڈیا پر پیغام دیا تھا کہ انہوں نے دوبارہ ٹریننگ شروع کر دی ہے۔
