تازہ تر ین

شاہ رخ،،سلمان ،عامر خان یاپھر۔۔۔ہندی سینما کا بادشاہ کون ،فیصلہ کن نتائج نے سب کو ششدر کر دیا

ممبئی (ویب ڈیسک)دنیا کی بہترین انٹرنیٹ مودی ڈیٹا بیس (آئی ایم ڈی بی) میں بھی شاہ رخ خان، سلمان خان اور عامر خان کی حکمرانی قائم ہے۔آئی ایم ڈی بی نے 2017 میں بھارت کے 10 بہترین اداکاروں کی فہرست میں جاری کی ہے جس میں شاہ رخ خان نے سب کو پیچھے چھوڑ دیا ہے۔آئی ایم ڈی بی نے یہ فہرست اداکاروں کی کارکردگی، سوشل میڈیا فالوونگ اور باکس آفس کمائی سے ترتیب دی جاتی ہے۔رواں سال شاہ رخ خان کی 2 فلمیں نمائش کے لیے پیش کی جاچکی ہیں جس میں ’رئیس‘ اور ’جب ہیری میٹ سیجل‘ شامل ہیں لیکن ان فلموں نے باکس آفس پر کوئی خاص کمائی نہیں کی ہے لیکن اس کے باوجود بھی انٹرنیشنل ریٹنگ سائٹ آئی ایم ڈی بی کی فہرست میں شاہ رخ خان ہندی سنیما پر راج کر رہے ہیں۔عامر خان کی ’دنگل‘ رواں سال چین میں کمائی کے ریکارڈ بناچکی ہے اور ان کی دوسری فلم ’سیکریٹ سپر اسٹار‘ بھی باکس ا?فس پر سپر ہٹ ہوچکی ہے لیکن ا?ئی ایم ڈی بی کی فہرست میں دوسرے نمبر پر موجود ہیں۔سلمان خان کی ’ٹیوب لائٹ‘ فیوز ہوگئی ہے لیکن سلو میاں کا طوطی اب بھی بھارتی سنیما پر بولتا ہے اور اس فہرست میں وہ تیسری پوزیشن پر بر اجمان ہیں۔ چوتھی پوزیشن پر حیرت انگیر طور پر تامل اداکارہ تمنا بھاٹیا کو جگہ ملی ہے جو کہ بالی وڈ میں کامیابی حاصل کرنے میں ناکام رہی ہیں۔فلم ’بہو بلی‘ کے پربھاس پانچویں جب کہ عرفان خان چھٹے نمبر پر موجود ہیں۔آئی ایم ڈی بی فہرست میں ساتویں پوزیشن پر انوشکا، آٹھویں پر تامل اداکارہ انوشکا شیٹھی، نویں پر ہریتھک روشن اور دسویں پر کترینہ کیف موجود ہیں۔یاد رہے کہ آئی ایم ڈی بی فلموں کی ریٹنگ کے حوالے سے مشہور ہے اور دنیا بھر میں اسے معتبر تسلیم کیا جاتا ہے۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved