لاہور: (ویب ڈیسک) بالی ووڈ اداکارہ ریچا چڈا نے انکشاف کیا کہ انہیں فلمی کیریئر کے ابتدائی دنوں میں تجویز دی گئی کہ وہ ایک اداکار کیساتھ تعلقات بڑھائیں تاکہ انہیں انڈسٹری میں جگہ بنانے میں مدد ملے۔ ریچا چڈا کا کہنا تھا اگر بالی ووڈ میں ایسے کرتوت کرنیوالوں کے نام لینے والے افراد سامنے آجائیں تو انڈسٹری میں بھونچال آجائیگا اور ایسا کرنے پر انڈسٹری کے بہت سارے لوگ اپنے کام اور زندگی سے ہاتھ دھو بیٹھیں گے۔ اداکارہ نے کہا اگر بالی ووڈ میں بھی لوگوں کو تحفظ دیا جائے اور ان کی حوصلہ افزائی کی جائے تو بہت سارے غلط لوگوں کے نام سامنے آسکتے ہیں۔ انہوں نے کہا کہ بے باک ہونے اور مشوروں پر عمل نہ کرنے کی وجہ سے بالی ووڈ میں ان کے دوست کم ہیں۔
