اسلام آباد (مانیٹرنگ ڈیسک) پاکستان میں حالات تیزی سے بدل رہے ہیں۔ ماحول سازگار وئے تو پاکستان ضرور آﺅں گا۔ پاکستان میں موجودہ وزیراعظم خود مختار دکھائی نہیں دیتا۔ میں اس میں بالکل کلیئر ہوں کہ بینظیر کا اصل قاتل آصف علی رداری ہے۔ سابق صدر جنرل (ر) پرویز مشرف نے نجی ٹی وی پر گفتگو کرتے ہوئے مزید کہا ہے کہ پاکستان میں ماحول تیزی سے تبدیل ہورہا ہے اس کا قریب سے جائزہ لے رہا ہوں۔ اگر ماحول سازگار ہوا تو پاکستان آﺅں گا۔ سازگار سے مراد یہ ہے کہ جو وزیراعظم میرے پیچھے پڑا ہوا تھا وہ نااہل ہوچکا اور جسٹس (ر) افتخار چودھری بھی باقی نہیں رہا۔ اب لگتا ہے کہ انصاف کا حصول آسان ہوجائے گا۔ اس لئے ماحول سازگار ہونے کے بعد پاکستان آﺅں گا۔ اگر انہوں نے ریڈ وارنٹ جاری کروائے تو اسے بھی دیکھ لیں گے۔ ویسے وہ پہلے بھی میرے وارنٹ جاری کرا چکے ہیں۔ پاکستان کا موجودہ وزیراعظم خود مختار دکھائی نہیں دیتا۔ لگتا ہے کہ نوازشریف ہی ملک چلارہے ہیں۔ عجیب کھچڑی پکی ہوئی ہے۔ میں ایم کیو ایم کو لیڈ نہیں کرنا چاہتا اگر سیاست کروں گا تو ملکی لیوی کی کروں گا۔ مہاجر قومی موومنٹ سندھ تک محدود ہے بلکہ اب تو وہ ”میلائن“ ہوچکی میرے خیال میں تو اب مہاجر کا لفظ ہی ختم کردینا چاہئے۔
‘
