لاہور (خصوصی رپورٹ) 2017ءصرف پاکستان فلم انڈسٹری کے لئے نہیں بلکہ پاکستانی اداکاراﺅں کے لئے بھی بے حد کامیاب ثابت ہوا۔ رواں سال نامور پاکستانی اداکاراﺅں ماہرہ خان، صبا قمر اور سجل علی نے اپنی بہترین پرفارمنس سے بالی ووڈ میں دھوم مچادی۔ بالی ووڈ انٹرنیشنل فلمی صنعت ہے جہاں کام کرنے کے بعد فنکار بین الاقوامی شہرت حاصل کر لیتا ہے یہی وجہ ہے کہ پاکستانی فنکاروں کے لئے بھارتی فلم انڈسٹری ان کے کیرئیر کو آگے بڑھانے کےلئے ایک بڑا پلیٹ فارم مانا جاتا ہے۔ پاکستان میں اپنی اداکاری کے جو ہر دکھانے کے بعد ہر فنکار کی کوشش ہوتی ہے کہ وہ بالی ووڈ میں اپنی صلاحیتوں کو منوائے۔ ماضی میں بہت سے پاکستانی فنکاروں نے بھارتی فلم انڈسٹری میں کام کیا لیکن زیادہ شہرت حاصل نہیں کر سکے جن میں اداکارہ میرا، معمر رانا، ہمایوں سعید، وینا ملک اور عمائمہ ملک وغیرہ شامل ہیں لیکن 2017ءپاکستانی فنکاروں کے لئے بہت اچھا ثابت ہوا اس سال نہ صرف پاکستانی اداکاراﺅں نے بالی ووڈ میں جگہ بنائی بعد پاکستان کی باصلاحیت اور خوبصورت اداکارہ صبا قمر نے بی رواں سال اداکار عرفان خان کے ساتھ فلم ”ہندی میڈیم“ کے ذریعے بالی ووڈ میں آغاز کیا۔ فلم میں صبا قمر کی بہترین اداکاری نے بھارتیوں کو بھی تعریف کر نے پر مجبور کر دیا۔ نامور پاکستانی اداکارہ سجل علی رواں سال بھارتی فلم انڈسٹری کی تیسری بہترین اداکارہ قرار پائی ہیں جنہوں نے سری دیوی کے ساتھ فلم ”مام“ میں اداکاری کے جوہر دکھا کر بھارتیوں کے دل جیت لئے جبکہ اسی فلم میں ان کے ساتھ عدنان صدیقی نے بھی اہم کردار کیا۔
