ممبئی (خصوصی رپورٹ) بھارتی کپتان ویرات کوہلی کے مداحوں کو یہ جان کر حیرت ہوگی کہ ان کے پسندیدہ کرکٹر نے آج تک کالج کی شکل نہیں دیکھی وہ صرف بارہویں پاس ہیں لیکن سکول میں ان کا شمار بہترین طالب علموں میں ہوتا تھا۔ انہوں نے دہلی میں دیشال بھارتی پبلک سکول سے بارہویں کا امتحان پاس کیا تھا۔ جس کے بعد انہوں نے کرکٹ میں کیرئیر بنایا۔ کوہلی کی اہلیہ انوشکا شرما کا تعلق فوجی گھرانے سے ہے۔ انوشکا نے ابتدائی تعلیم آرمی سکول بنگلور سے حاصل کی اور ماﺅنٹ کارمل کالج سے آرٹس میں ڈگری لی۔ بعدازاں انہوں نے بنگلور یونیورسٹی سے معاشیات اور سیاسیات میں ماسٹر کی ڈگریاں حاصل کیں۔
