نواز شریف نے کہا کہ ثبوت کیساتھ پردہ چاک کر ونگا ،جنرل صاحب اس بات پر جواب دینا پسند کرینگے ؟اس سوال پر ڈی جی آئی ایس پی آر نے کہا کہ نواز شریف نے امریکہ کے حوالے سے جو بیان دیا وہ بہت خوش آئند ہے یہ وقت کی ضرورت ہے کہ تمام سیاسی جماعتیں اور پاکستان یک زبان ہو کر کسی بھی خطرے کے خلاف متحد کھڑا ہے انہوں نے کہا سوال کے دوسرے حصہ سیاسی ہے اور اس حوالے سے پہلے بھی کہا تھا کہ اگر ان کے پاس کوئی ثبوت ہیں تو وہ لے کر آئیں لیکن حالات کا تقاضا ہے کہ ہمیں اس وقت ایک ہونے کی ضرورت ہے ایک اور سوال پر کہ اگر نواز شریف کی جانب سے کوئی ثبوت سامنے لائے جائیں جن کا تعلق موجودہ آرمی چیف نہیں بلکہ سابقہ آرمی چیف کے دور سے ہو گا اگر وہ ثبوت سامنے آگئے تو کیا افواج پاکستان کی قیادت ان ثبوتوں کی بنیا د پر کاروائی کرے گی ؟اس پر میجر جنرل آصف غفور باجوہ نے کہا کہ مناسب وقت آنے پر فیصلہ کرینگے ۔
