تازہ تر ین

سعودی عرب کا خواتین کو محرم کے بغیر ویزا دینے کا اعلان

ریاض(ویب ڈیسک )سعودی حکومت نے خواتین کو سیاحت کے لیے بغیر محرم کے ویزا دینے کا اعلان کردیا۔ڈائریکٹر جنرل کمیشن لائسنس ڈپارٹمنٹ عمر المبارک کے مطابق خواتین سیاحتی ویزے پر تنہا بھی سعودی عرب آسکیں گی اس کے لیے ان کے ساتھ خاندان کے کسی فرد یا محرم کا ہونا ضروری نہیں تاہم 25 سال سے کم عمر خواتین کے لیے محرم ہونا لازم ہوگا۔عرب حکام کے مطابق سیاحتی ویزے کی میعاد 30 دن ہوگی اور 25 سال یا اس سے بڑی عمر کی خاتون اکیلے سعودی عرب آنے کی مجاز ہوگی۔ اہل خانہ کے ہمراہ سیاحتی ویزے پر آنے والے ہر فرد کا الگ الگ ویزا ہوگا اور ایک ویزا ایک ہی شخص کے لیے ہوگا۔عمر المبارک کا کہنا ہے کہ سیاحتی ویزے کے حوالے سے قوانین مرتب کیے جارہے ہیں جو حکامِ بالا سے منظوری کے بعد سامنے لائے جائیں گے جب کہ ویزے سے متعلق الیکٹرانک سسٹم اور دیگر تیاریاں آخری مراحل میں ہیں جنہیں حتمی شکل دی جارہی ہے۔امکان یہی ظاہر کیا جارہا ہے کہ رواں سال مارچ میں سیاحتی ویزے کا اجزا شروع ہوجائے گا جس کے لیے مخصوص ٹریول ایجنسیوں کو پہلے سے ہی لائسنس جاری کیے جاچکے ہیں۔

 


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved