قصور(ویب ڈیسک) قصور کی رہائشی 7 سالہ ننھی زینب کو جنسی ہوس کا نشانہ بنائے جانے کے بعد قتل کیے جانے کے کیس کی تحقیقات ہورہی ہیں۔ تفصیلات کے مطابق زینب کے والد محمد امین کا کہنا تھا کہ سی سی ٹی وی فوٹیج میں دیکھا گیا شخص ہمارے علاقہ کا نہیں ہے۔ انہوں نے کہا کہ علاقہ کا چکر لگانے والا شخص پیش ہو گیا ہے لیکن یہ وہ شخص نہیں ہے جسے فوٹیج میں دیکھا گیا تھا۔ محمد امین نے کہا کہ جو وعدہ کیا گیا تھا وہ ٹائم تو اب گزر گیا ہے۔ کیس کی تفتیش ٹھیک سمت میں جا رہی ہے ، ہم اپنی بیٹی کے کیس میں ہونے والی تفتیش سے مطمئن ہیں۔ یاد رہے کہ ننھی زینب کو درندگی کا نشانہ بنانے کے بعد قتل کر کے لاش کوڑا کرکٹ کے ڈھیر میں پھینک دی گئی تھی۔
