ممبئی(شوبز ڈیسک)بالی وڈ اداکارہ کترینہ کیف کی فلم ”زیرو“ کے سیٹ پر دلہن کے روپ میں تصویر انسٹاگرام پر وائرل ہوگئی۔ بھارتی میڈیا کے مطابق آنند ایل رائے کی فلم ”زیرو“ کے سیٹ پر کترینہ کیف کی دلہن کے روپ میں بنائی گئی تصویر سماجی میل جول کی ویب سائٹ انسٹاگرام پروائرل ہو گئی ، تصویر میں کترینہ کیف نے شفتالو رنگ کا لہنگا چولی ،سبز نگوں والا لمبا ہار ، جھمکے،مانگ ٹیکا اور نتھ پہن رکھی تھی۔ فلم میں شاہ رخ خان بونے ، کترینہ کیف دیوا اور انوشکا شرما سائنس دان کا کردار ادا کر رہی ہیں۔ فلم 21دسمبر کو نمائش کے لئے پیش کی جائے گی۔
