تازہ تر ین

سر ینا کی انڈ ین ویلز اوپن سے چھٹی

انڈین ویلز(اے پی پی) شہرہ آفاق امریکن سٹار اور سابق عالمی نمبر ایک سرینا ولیمز شکست کے بعد ٹائٹل کی دوڑ سے باہر ہو گئیں، وینس ولیمز، اینجلیق کربر، سوریز نوارو، سیواستووا اور کولنز نے فتوحات برقرار رکھتے ہوئے انڈین ویلز اوپن ٹینس ٹورنامنٹ ویمنز سنگلز پری کوارٹر فائنل میں جگہ بنا لی۔ کیلیفورنیا میں جاری ایونٹ میں گزشتہ روز کھیلے گئے ویمنز سنگلز تیسرے راﺅنڈ میچز میں امریکن کھلاڑی وینس ولیمز نے سرینا ولیمز کو سٹریٹ سیٹس میں 6-3 اور 6-4 سے ہرا کر ایونٹ سے باہر کر دیا، جرمن کھلاڑی اینجلیق کربر بھی تیسرا مرحلہ عبور کرنے میں کامیاب رہیں، انہوں نے روسی کھلاڑی ایلینا ویسنینا کو شکست فاش سے دوچار کیا، اسپینش کھلاڑی سوریز نوارو بھی تیسری آزمائش میں سرخرو رہیں،انہوںنے یوکرینی کھلاڑی ایلینا سویتولینا کو شکست دی، سیواستووا اور کاسٹکینا اور کولنز بھی اپنی اپنی حریفوں کو ہرا کر پری کوارٹر فائنل میں پہنچ گئیں۔دوسری جانب ویمنز ڈبلز پری کوارٹر فائنل میں مکارووا اور ویسنینا نے عمدہ کارکردگی کا مظاہرہ کرتے ہوئے وکٹوریہ آزارینکا اور سبالینکا پر مشتمل بیلاروس کی جوڑی کو 6-4 اور 6-3 سے شکست دے کر کوارٹر فائنل میں جگہ بنائی۔


سب سے زیادہ پڑھی جانے والی مقبول خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved