لاہور(نیوزایجنسیاں)پاکستانیوں کی جانب سے فواد عالم اور وہاب ریاض کو ٹیم میں شامل نہ کرنے اور نوجوان کھلاڑیوں کو موقع دینے پر تنقید کی جا رہی ہے لیکن اب انضمام الحق نے اس کی ایسی وجہ بتا دی ہے کہ سب کا غصہ رفوچکر ہو جائے گا۔ انضمام الحق نے سکواڈ کا اعلان کرتے ہوئے کہا کہ چونکہ ورلڈکپ انگلینڈ میں ہو رہا ہے، اس لئے زیادہ سے زیادہ نوجوان کھلاڑیوں کو موقع دیا گیا ہے تاکہ انہیں وہاں کی کنڈیشنز کا معلوم ہو سکے۔ان کا مزید کہنا تھا کہ کھلاڑیوں کا انتخاب کرتے ہوئے ہم نے بیٹنگ آرڈر مضبوط کرنے کی کوشش کی ہے۔ سب کو موقع ملے گا اور کسی کو مایوس ہونے کی ضرورت نہیں ہے۔ چیف سلیکٹر کا کہنا تھا کہ میچ کے دنوں میں انگلینڈ اور آئرلینڈ میں گیند کے سوئنگ کرنے کا امکان زیادہ ہے اس لئے بلے بازوں کو احتیاط سے کھیلنا پڑے گا۔انضمام الحق کا کہنا ہے کہ یہ میری یا مکی آرتھر کی ٹیم نہیں ہے جو ہم اپنی خوشی کیلئے کسی کو ٹیم میں شامل کریں اور ایسا کوئی کر بھی نہیں سکتا۔ وہاب ریاض ایک اچھا باﺅلر ہے اور پاکستان کیلئے کافی عرصے سے کھیل رہا ہے لیکن ٹریننگ کے دوران ان کی کارکردگی اس معیار کے مطابق نہیں تھی جس کی ہم توقع کر رہے تھے، اس لئے سکواڈ میں شامل نہیں کیا گیا۔
![](https://dailykhabrain.com.pk/wp-content/uploads/2017/08/inzamam-222222222222.jpg)